雄心馬主搏同主孖

猪拉多纳

　　隔晚賠率彷彿話畀我哋知，三場級際賽好似已經名花有主，「XX繽紛」、「加州萬里」同「雄心威龍」WP熱到透，唔通真係贏梗？

　　仲記得上次「雄心威龍」出嚟跑，同主嗰隻「雄心馬主」搏到甩髀贏馬，唔知係咪有撮人買馬主嘅鬥志，今次「雄心馬主」出爭第四場四班1400米，又有票數跟住。

　　雖然話個W得10倍，睇落去唔算堅，但大家不妨諗吓，喺「精彩遊戲」1.8倍W，P得一戙嘅勁勢下，即使「好好機會」都要讓路賣12倍，「雄心馬主」WP飛竟比季內四戰同程三次入Q嘅「好好機會」更有信心，唔買佢仲可以買邊隻？

　　望柏寶大賽日反底

　　騎師王方面，韋達揸住三隻2倍唔夠嘅馬，信心竟然小過芝麻，得2.5倍，唔多對路，反觀柏寶坐騎唔係最熱，但騎師王得4.2倍，一於博佢大賽日反底。

周仲