勁卒過河見真章

猪拉多纳

        大賽過後一切回歸平靜？賭博士本來確有如此想法，然而看過排位表後，發現蔡約翰明晚連場屯重兵，先不講馬匹實力，單計八場賽事竟出馬七匹，陣容已夠嚇人，絕不似遊馬河戥人高興格局，預期當中必有王者興，問題是能否揀中而已。
        
        出戰第五場三班1200米的「夢幻魔術」，今仗升班作賽縱使難度提高，但牠季內四戰無W有P，賽績硬淨非常，左計右計都難以捨棄。四歲馬開竅後愈贏愈易，上仗更大勝兩個半身位，評分擺明還未見頂，與其博牠斷纜，倒不如跟風追寶尾更划算。事實上，蔡約翰對質態兼備的質新馬向來不作保留，若今仗因升班而換來較佳分頭，無疑更加抵博。
        
        至於列陣第四場四班1200米的「勁卒過河」，上仗初出早段搶前走，只可惜未經熱身開氣，跑至直路便逐漸腳軟。試準後今次吼準谷草1200米重臨，有過一次作賽經驗，韋達在發揮方面定較剛戰恰當，排三檔有利發揮，今仗會有不同演出。
      

賭博士