馬主論戰

猪拉多纳

名馬質高橫掃
        
        韋達剛啱食大四喜，手風真係順到不得了，試問點可以唔捧佢啲馬？
        
        今晚鍾意第三場「名馬」，季內兩戰非冠即亞，今次轉嚟谷草上陣，對手唔算好強，以其質素可以響度掃晒。
        
        另一匹韋達坐騎吼第七場「勁飛揚」，上場響田草1600米輕取「領彩」贏馬，姿態真係好輕鬆，上番三班跑都唔會覺得輸蝕。既然同父馬「安穩」贏過谷草，窄場應該都啱佢發揮，一於捧場。
        
        張敬山
        
威陽評分有利
        
        白德民今晚手馬幾惡，我睇佢應該有馬贏。推介頭場「幸運多寶」，今季頭三場全部冇嘢睇，但上次初落四班即有唔同表現，只輸畀「樂有贏」個半馬位跑第四，似乎已經減夠分，今次排埋一檔起步，係時候出頭。
        
        另外第二場隻「威陽」都要吼實，前仗贏田草1800米，姿態不知幾輕鬆，現評27分肯定仲有着數，以往響谷草曾經上過名，窄場啱跑，隨時施回馬槍。
        
        任達華
        
華倫天奴咪睇小
        
        馬季開鑼兩個月左右，蔡約翰已經響練馬師榜彈出，睇嚟今季好有決心爭冠軍，連谷草都會連場出擊。今晚鍾意第四場「正榮」，呢匹Zabeel子嗣愈長愈啱，增程要吼實。
        
        另外推介第七場「華倫天奴」，上次只係輸條頸畀「紅跑車」，證明現評分相當有利，而且今場快馬唔算多，如果畀佢順利放出，隨時可偷雞成功。
        
        寇鴻萍、梁廷鏘