勁有盈勁飛揚齊破例

猪拉多纳

伍碧權今季成績大反彈，季內已取得13場頭馬成功達標，但原來在昨晚「勁有盈」之前，伍廐新勝馬全部悉數落敗而回，而「勁有盈」能夠打破慣例之餘，還冧莊兼捧走歐洲巡迴賽高爾夫球盃，及後同廐「勁飛揚」亦趁勢取得連捷，兩駒齊破例別具意義。
       
「勁有盈」（近鏡）力壓「競駿寶寶」連捷，人馬表現出色。

伍碧權今季氣勢如虹，昨晚第五場憑「勁有盈」先下一城，捧走歐洲巡迴賽高爾夫球盃，到第七場再以全熱門「勁飛揚」起孖，不單止協助韋達連勝四期騎師王，練者更贏出季內第13W順利畢業，難怪拉頭馬時笑不攏嘴！
       
伍碧權（右）起孖兼捧盃，自然喜上眉梢。

揚威歐洲巡迴賽高爾夫球盃的「勁有盈」，成為伍廐今季首匹連捷馬，伍碧權對這匹7歲馬的表現非常滿意，他說：「『勁有盈』以往純跑速度，經常要花不少氣力搶埋欄，隨着年事漸長，落腳亦轉慢，因此我嘗試讓牠留前鬥後，效果相當理想，加上蘇狄雄對此駒相當熟悉，發揮稱職，表現確實值得一讚。」
       
第五場串牌仔T

第五場「勁有盈」險勝「競駿寶寶」，令後駒騎者楊明綸未能完成畢業心願，而跑第三的「祥禎」則由何澤堯策騎，三位見習騎師包辦這條三重彩。
       

至於另一匹連捷馬「勁飛揚」，權哥表示此駒進步良多，今場轉戰快活谷抽到好檔幫助不少。