名舵主果然係精品

猪拉多纳

蔡約翰今季新馬攻勢浪接浪，尋日又有「名舵主」一出即勝，馬主方元德與方力民亦見當旺，繼早前「搏得分」爆冷捧走中國證券金紫荊盃之後，再憑呢隻三歲馬錦上添花。
  
名舵主（箭嘴示）與父親精蝦王一樣，贏田草一千米開齋。





「名舵主」臨場着「綠格」捧成四倍次熱門，落飛果然得手，不過馬主之一嘅方力民就透露，賽前蔡神仙雖指愛駒有質素，但始終並非短途血統，就算狀態已及水準，機會亦只係審慎樂觀。方力民又話，「名舵主」係由友人介紹，喺一批新馬之中由佢同爹哋精心挑選，之後再交畀蔡約翰幫眼，先至落錘成交，價錢方面尚算合理，比較特別呢匹馬嘅父親就係已退役馬「精蝦王」。
  



其實，「精蝦王」當年由沈廐轉投蔡廐，跑咗一仗隨即退役，事隔咁多年「精蝦王」在港第一匹子嗣，又係由蔡約翰接手，方力民話相當有緣，若進度理想，佢相信「名舵主」好快就會再上陣爭取連捷。