傾力之城{放到底

猪拉多纳

　　今日國際賽盛事上演，場內一定好熱鬧，咁多好馬上陣，呢一日值得入場睇睇。至於賽果又會點？大賽日好少爆到七彩，因為好多犀利嘅馬排住隊嚟，邊到一啲下風馬偷雞。所以，今日熱捧之馬，個別場次唔好嫌熱，如部分馬賠率低水，亦可能與呢日有關。

　　第二場第三班1200米。「夢幻十一」上場唔係出閘唔好，點會連P都冇，算嘞，當佢上場係試谷閘！由於前仗四升三班喺此程幾乎贏到，已證明到級數有幾勁，睇嚟係有潛力上二班。今仗轉番呢程，發揮梗會好過谷草，雖然要排13檔，反正係擺喺前面走，本身夠速度好易會帶到頭，只要早段唔係嘥好多力切入，或可放到。

　　第三場第一班1400米。「傾力之城」轉跑此程贏番場，上場又係對廐侶「甜將」，今場亦係一樣，係咪主帥騎邊隻就贏邊隻？抑或「摩」法幻影，虛則實之呢？值得大家動動腦筋。而阿棟剛覺得「甜將」雖好，但可能「傾力之城」會由早段開始就賺形勢，有埋1檔真係順風順水，放得出，入到直路追唔到又有咩出奇。

　　旺當家夠分量

　　第九場第二班1200米。「旺當家」季初贏完1場就冇影，評分高得滯　？　進度回落？真係唔多清楚，不過，以佢季初贏三班姿態，二班唔會完全下風。呢次由1400米轉跑此程，仲有埋內檔幫手，應該可以發揮到應有水準，一於畀多次機會佢。

點買法

　　話咗今日熱門馬咪挑剔咁多，而阿棟博W亦吼呢類，「夢幻十一」及「傾力之城」，呢條W2x3實會幫襯。而重心QT梗係第三場，希望馬少少增加中彩機會，揸１做膽夠穩，腳拖２４５　１１。

資深評馬人　陳華棟