谷草熱門坐騎掂 巫斯義今晚稱王

猪拉多纳

　　巫斯義今季快活谷賽事，整體成績唔係特別好，上陣48次，交出3冠4亞6季，上名率不到3成，勝出率更只得6%。不過，跑得唔好通常係冷門馬居多，佢啲熱門好少會話跑到要放大鏡先搵到！

　　原來阿巫今季在谷草先後有12匹馬被捧成大熱或次熱門，贏過3W，另有5駒跑入前四名，即係話冇表現嘅比例都幾低吓。既然佢經常被捧成熱門之馬往往交得足，換句話說，佢嘅坐騎成熱門的話，表現真係與賠率掛鉤。咁呢期幾駒將會成為熱門，應該可以保持一貫穩健作風！

　　如果睇埋隔夜佢喺騎師王賠率，零零舍舍熱起上嚟，成為5倍半第三熱門，就知今晚啲馬唔係玩玩吓。至於揀邊幾匹馬？「大東海」、「超級精神」及「美猴王」最啱眼緣。雖然「大東海」反覆成性，騎練上季起在谷草合作又未好過（9駒全負），但上場贏佢嘅「信賴」上四班照W，計數佢喺五班應該好惡至係！

　　「超級精神」跑5場三度屈居二奶，係冇運，但亦反映恨贏恨到發燒，轉場博遇弱旅，希望如意算盤打得響。而「美猴王」都唔使多講，谷草1200米明星，返嚟主場，唔搏等咩呀。　

Jack