電光能源爆得

猪拉多纳

　　李易達馬房近期頻頻郁手兼經常得手，上周三晚贏完「壽比南山」，剛戰又到「八飛」爆冷。講開「八飛」，未知大家會否感到奇怪，低班馬部署理應捨難取易，此駒明明較擅長谷草，何解上日會揀田草搏殺？

　　事實上，李易達並非對「八飛」胸有成竹，賽前他也是估估吓。今晚第二場的五班1650米，本來正合「八飛」報跑，但據賭博士所知，練者早擬定好「大東海」上陣，故「八飛」唯有讓路，但後駒最終勝出，總算錯有錯着。

　　回說「大東海」，上仗牠跑谷草1650米殺入Q腳，狀態之勇可見一斑，今次柏寶不獲帥印及改由巫斯義接手，後者自然拼盡無保留；既然李易達一早要「八飛」讓路造就廐侶，可見練者明顯對「大東海」更加重視。

　　第七場一班1200米，「電光能源」泥優於草，不過季初牠在特首盃搶放兩段，走勢似模似樣。頂班馬部署減分不設實際，現評115分故泥地賽已沒有出路，小心來個盡地一煲，成冷勿忘。

賭博士