牛精大師 形勢有利

猪拉多纳

　　第九場二班1000米。「牛精大師」前仗1200米由頭帶到尾，當時唔係慢放嗰隻，全程步速與標準締速相若。而上賽再跑，有可能係加磅影響，亦有可能因為頭兩段放快咗關係（沿途亦畀對手喺外側迫住），以致成績退步，不過，喺最後100米先至腳仔軟，算係貫注得唔錯。

　　今次跑短200米轉戰直路賽，喺香港未跑過，但外地有晒實戰經驗，4場直路賽冇W有P，唔擔心轉程會唔適應；本身跑慣速度，又排埋外檔，早段有權黐住外欄自領，賽事形勢預着數。再者，同場對手級數普遍唔值二班水平，要爭入一席位置，夠卡士有凸。

　　第十場一班1800米。「一言為定」上賽已經有吼，雖然曾疏操，因之後大閘試得好，加埋新鮮感及級數，1400米亦可能有懵博，結果輸畀「甜將」入Q，已覺超額完成。

　　復課唔使就住操，短期內又可繼續跑，理應狀態更實淨，而加程至1800米，比中程啱得多，倘若交得出上季同程負於「曬冷王」時相若水準，未必冇機會挑戰「醒目精英」。

馬會賽馬節目主持　洪禮賢