金鎸龍華省招牌

猪拉多纳

　　文家良馬房的「靚好聲」於第七場三班2000米上陣，馬房中人對牠十分睇好，謂此程必定可以應付。此駒其實是一匹有極高潛質之馬，與「甜將」同父系，現居三班實在大佔便宜。上仗牠跑1600米末段衝刺力甚強，僅以兩個半馬位輸給頭馬「精奇」得第四，賽後巴米高向廐主表示若非路程嫌短，馬兒必有更佳的演出。

　　靚好聲有備而來
　
　　有見及此，今次文家良有三班1600米亦不替「靚好聲」報跑，偏要安排牠跑2000米，正是對症下藥之舉。上仗拼後，此駒操練正常，腳患未有復發，巴米高對牠亦十分重視，一手一腳操好，最後試跑亦親作考驗，試完馬後更與練者一同仄馬腳，又交由獸醫再加檢查，證實沒有問題才上陣，今次有輕磅之利，可望後上取勝。

　　同場對手之中，要留意告達理馬房的「爪皇豪火」，上仗後上贏得出色，馬房中人謂此駒實力未見盡，加程跑2000米亦冇問題，有力爭雄。此外，「精嘜」亦是當起之長途馬，負磅亦不重，亦有機會爭入三甲。

　　方廐方面，要留意出爭第十場華商會盃的「金鎸龍華」，此駒在港四戰獲三冠一殿（見表），演出穩定。日前馬主入倉探望愛駒，方嘉柏即親自接待，並指此駒轉倉來投後進度理想，加程跑1400米正好配合其進度。目前方廐的一班馬不太多，廐主希望憑此駒在頂班爭成績，如果今仗跑得好的話，此駒下一個目標將是經
典一哩賽，所以今番戰意無限，必求拼勝省靚招牌。