洪禮賢講馬 ：威老虎轉場發威

猪拉多纳

　　第六場三班1000米。「紅衣叻叻」三班此程曾兩勝，贏過「軍刀」、「金紫荊」、「勁闖駒」等，此程能力必值二班尾。

　　「紅衣叻叻」前仗強組1200米一樣可放入殿軍，表現比前有轉機，惟上賽又打回原形，主因在賽事中大部分時間處於不利位置，差唔多由出閘至出彎，一直被頂在三至五叠，沿路咁蝕法，直路邊可能唔腳軟。今仗排內檔，內外側冇隻快得過佢，較易攞到主導位置，或可放到。

　　第七場三班1650米。「威老虎」上賽前已指出，加程可有正面幫助，結果轉至1600米跑入P，不過，去到尾段其實冇乜衝勢，感覺上係賺檔位及捱返嚟。

　　今賽轉到谷草一哩，睇腳法及賽績，或比田草更啱，因運港前曾在滿利谷贏1600米，有可能短直路有利發揮。是賽佢排9檔，只要早段唔係畀對手頂出大外叠，又能夠楔到前列，咬住步速嚟跑，以佢級數夠晒資格要爭入頭三位。