馬主論戰

猪拉多纳

喜來仙子開勝門

　　今晚告東尼手馬唔錯，我睇好佢有馬贏。推介第五場「喜來仙子」，上場雖然只跑第四，但實際輸畀頭馬「光輝出擊」唔夠一個馬位，反映狀態已經跑起，今次排二檔起步形勢相當有利，要贏馬開齋唔難。

　　另外第六場沈廐隻「幸運多寶」都好有留意價值，呢隻馬近兩場取得一冠一亞，四歲馬真係愈跑愈進步，今次縮程跑番1000米，威力應該更強，相信可以贏馬補中。

張敬山

紅衣叻叻放到

　　蘇保羅剛啱中三元兼捧盃，搏殺手風好順，今晚蘇廐出馬兩匹，一於吼實。頭場「創先機」上場轉倉初出，響1400米熱身一仗，今次轉嚟谷草上陣，對手唔算強，話唔定可以變身。

　　另外推介第六場「紅衣叻叻」，前仗放入第四，只輸畀頭馬「魔幻大師」兩個幾馬位，狀態已經返咗嚟，今次排二檔起步，啱晒佢嘅前置跑法，只要能一早搶出，有權一放到底。

任達華

團隊精神咪睇小

　　紀仁安剛啱賽事憑「夢幻十一」贏馬，今晚佢有唔少實力坐騎，一於繼續追捧。鍾意第二場「團隊精神」，上場響谷草1200米追入一席第四，末段走勢唔講得笑，今次配紀仁安再跑同程，有權贏番一仗。

　　另外推介第四場「有盈有利」，上場落班作賽，跑第六輸唔遠，今次縮程話唔定更啱發揮，排外檔會換嚟分頭，值得一敲。

寇鴻萍、梁廷鏘