包裝之寶W熱要吼實

猪拉多纳

　　今晚返到谷草，已見到唔少大戶做嘢，好多場由今季未勝馬做大熱，第五場「喜來仙子」曾得1.7倍W，位置得一戙，飛數咁惡冇得唔信。

　　另外，仲有一匹東廐馬係因怪飛緣故，獨贏賠率勁得交關，佢就係尾場「包裝之寶」，呢匹馬來港後只係跑過兩仗，未入過九名以內，賠率當然冷，初出落地嗰仗，大家有期待，22倍W算正常，結果輸到甩轆，第二仗已經冇人理佢，有67倍，最後名次果然唔得，只係跑第十。但問題係，佢今次轉過嚟谷草，喺冇試過谷閘情況下，竟然曾成為大熱門，得5.6倍W？真奇怪。但係佢嘅隔晚W飛咁堅，唔似講笑，要捉實佢。

　　騎師王博冷揀都爾

　　騎師王方面，韋達、柏寶同蔡明紹齊齊停賽，當然係亂局，都爾得四匹坐騎，夠膽賣22倍，博冷揀佢。

周仲