飛燕贏面壓

猪拉多纳

　　第九場三班1200米。「飛燕」初出即贏，唔係贏到離行離列，姿態就極之誇張，如果用三出三捷廐侶「精彩日子」作比較，那份氣勢可以話有過之而無不及，總之，韋達喺末段完全冇將對手放喺眼內。贏完隔咗3個月至再出，因為11月頭曾停課，但之後工序妥善，試夠兩大閘，一啲都唔心急，反覆測試好晒先嚟跑，只要唔係133磅拖垮「飛燕」，贏面壓一。

　　第十場二班1600米。「何方神聖」今季跑到第3仗先至入到三甲，唔知係進度問題，抑或咩原因？總括嚟講的確幾失望，事關上季可與「人人興旺」成日拍住返嚟，居然跑到依家仲係處女馬！真係難以置信。

　　如果，淨係計上賽表現，直路都唔知塞咗/窒過幾多次，最後幾十米衝幾步就擸到條Q，嗰段竄勁真係唔嘢少。由於今場已經冇「陽明飛飛」在陣，令到「何方神聖」地位高晒，唯一擔心係馬房經常冇兩劑，希望此馬例外。

馬會賽馬節目主持　洪禮賢