馬主論戰

猪拉多纳

　　盈豐快駒拔頭籌

　　今日係我好朋友范振鋒結婚嘅大日子，先響度祝一對新人百年好合、永結同心 ！跑完馬之後，今晚我都會出席佢哋嘅婚宴。
　
　　講番心水，鍾意頭場「盈豐快駒」，上次響直路賽爆入冷Q腳，蹄下敗將「一定快」、「騎士皇」同「喜萬家」之後全部有表現，賽事水準好高，今次應該可贏番一場。另外推介第五場「神奇飛龍」，上場贏得相當輕鬆，肯定仲有分響手，連捷在望。　張敬山

　　育成王子即食

　　蔡約翰剛啱憑「名舵主」贏馬，唔經唔覺今季已累積32場頭馬，睇嚟真係好有決心要重獲冠軍。今日蔡廐成手惡馬，要贏兩、三場應該唔難。

　　推介第四場「正榮」，上場響白德民胯下開齋，贏來似難實易，今次轉跑田草1800米，其實一樣啱發揮，馬已開竅且白德民肯再效力，隨時可連捷。另外鍾意第五場「育成王子」，做足晒工夫先嚟跑今仗，有權一出即勝。　任達華

　　牽動美麗咪睇小

　　巫斯義剛啱中三元兼捧盃，真係威風八面，始終佢係一位極具級數嘅騎師，手風一順就可連場數胡。今日巫斯義騎六駒，睇好佢繼續有馬贏，推介第八場「小橋流水」，上仗響香港短途錦標跑第四，今次回師曾四勝嘅直路賽，吼得過。

　　另外鍾意尾場「牽動美麗」，埋門試閘同快跳由巫斯義一手包辦，擺明對呢隻馬好重視，今次初出有權橫掃。　寇鴻萍、梁廷鏘