都靈一號高招澤冠

猪拉多纳

法國練馬師高伯新，今季嚟香港開倉以來，一直倚重兩位法籍大師傅巫斯義同杜利萊，一幫法國兵團圍威喂，而幫過佢贏馬嘅郭立基、韋達同卓利，合作次數都唔多，莫講話本地騎師，喺尋日沙田日賽前，只係同吳嘉晉、何澤堯兩位華將合作兩次咁大把。不過，尋日本地見習生何澤堯就成功同高廐取得零的突破，第三場夥拍「都靈一號」贏出五班千二米泥地賽，替馬主蔡克任與林雪芸得嘗拉頭馬滋味，自己就取得出道第65場頭馬。
  
都靈一號外疊一衝過晒，取得轉高廐首捷。


杜利萊建議換見習生


一向着重團隊合作嘅高伯新，賽後不忘歸功於上仗騎過「都靈一號」嘅杜利萊，佢話係騎者建議改用見習騎師，減磅出擊，配合隻馬有泥地血統，終於贏馬向馬主交代。不過，杜利萊呢場騎「長勝」跑獲殿軍，埋唔到Q。
  
高伯新（左）、何澤堯




除咗「都靈一號」之外，高伯新其後憑巫斯義策騎初跑泥地的「勁力」雙喜臨門，頭馬數字增至十三W。