新力多條件齊備

猪拉多纳

　　第六場四班1650米。「新力多」今季跑3場此程獲1冠1亞1殿，放頭、後上及中置跑法都試過晒，當中以後上贏馬一役最具代表性，該場既不利追，仍可爆贏一眾佔上風嘅前領馬，仲要造出嘅時間，比起當晚兩場三四班頭馬為快，所以，險勝季內未出頭嘅「浦東之威」，並唔係水準普通。今仗排好位，同場有三數匹前置馬預料步速應正常，賽事環境啱發揮，只要唔係搏攰咗，跑低半班點會冇贏面。

　　第七場三班1200米。「勁卒過河」直落贏3場，谷草執完兩W，轉戰田草兼跑高半班一樣照贏，二馬「快樂無窮」之前仲喺三班兩度入Q，對住佢都係冇符（頭兩段步速慢亦有關），睇嚟現時進度追得到加分速度。

　　由於此馬自己帶頭、咬好位皆宜，今次6檔起步唔會尷尷尬尬，早段如有馬刻意搶的話，佢可以順跟，冇馬走，佢又可以自領，兩手準備任揀，就算初遇三班馬，要入圍亦夠晒資格。

馬會賽馬節目主持　洪禮賢