郭能撻着八佰匹

猪拉多纳

郭能暫只得三場頭馬當然唔夠數，明晚四匹坐騎中，郭能對列陣頭場的姚廐馬「八佰匹」鍥而不捨，上勻人馬首度拍檔於五班田草千四放入第四，賽後更被加一分，評分員畀晒貼士。
  
郭能（左）昨朝操完八佰匹，即去搵姚本輝匯報，今仗擺明有料到。





明晚「八佰匹」轉爭谷草一哩，賽前郭能重視有加，繼早前替此駒連番拍跳教馬後，昨晨再親自替馬兒在大圈快踱儲火，其後特登搵輝哥傾戰略，擺明有計。「八佰匹」上季曾在四班谷中同程輸近，一早打好底，今次由郭能一手操好而臨，有權在五班開齋。