星運俊爵P勁理由多

猪拉多纳

        唔知係唔係一檔有着數，噚日發現有三場大熱門落咗喺呢個檔嘅馬度，佢哋分別係一場「威水福星」、三場「多多昇」同四場「風火飛駒」，老實講，穩唔穩陣見仁見智，事關頭兩匹近仗賽績唔多開胃，後駒雖然係新勝馬，但又第一次跑谷草一哩，拉士會唔會腳軟都成問題，小心啲。
        
        與其賭呢啲熱門，不如敲吓第七場「星運俊爵」，呢匹馬優勢確係多，唔知係唔係有大戶睇中呢樣嘢，佢隔晚已經有唔少飛數，當然獨贏曾得8.4倍唔算係咩，相比上仗嘅14倍，差距又唔係遠，但如果純計位置賠率，就勁到好似實有三甲咁，因為一度得一戙咋。呢匹馬排二檔，背脊個書包得114磅，加上方嘉柏成日搵湯智傑搏冷門，贏埋都未定。
        
        其他騎師抵搏
        
        騎師王方面，其他騎師得15倍，比谷草成日贏嘅何澤堯仲要熱，相信有計。周仲