|
|
今期沙田賽事6草4泥，草地在C+3欄，根據往績草地唔多利追，至於泥地反而最近又有得追，當然，要睇埋今日場地指數而定。
嚟到送歲賽，謹祝讀者們順順利利，贏番一大筆橫財送走兔年，開開心心迎接金龍。
「魔幻大師」泥地性能唔簡單，因為初跑已入Q，仲要嗰場喺外叠由頭錯到尾，所以，上一班仍夠分量，何況，近績又準，靠得住。
「大把在手」泥地1200米未甩過Q，上場因為早段跟快咗至會唔到尾，回一回返強項，要重視。「活力飛駒」整體條件係近仗之中最好，應會把握。
「美猴王」和「皇帝法令」，場地性能有個問號存在，不過，1隻有級數，另1匹跑法、檔位有賺，邊線。「相見歡」勿因大敗1場放棄，本身喺此程能力幾高。
「陽光王子」排檔內外，可以跑出完全唔同成績，今仗1檔啱晒，倘泥地勝任，或可出頭。
「兵奇臨」上賽前曾缺課，加上路短，輸唔遠可接受，回到中程又唔同講法。「贏啲啲」1800米明長，縮回一哩大不同。「彩虹幻影」大閘試得唔係好，不過，以之前兩場四班此程表現，五班夠用。「大紅人」及「勁辣椒」，前駒外檔、後駒磅位一加再加，令機會拖低了。
「金剛驃」直路賽可入Q，轉倉概念成真，兼且，冇漏閘及留得暢順，只要唔係偶發性，加程應贏。
「叻先生」好位又會繼續賺。「實在好」轉回此程，賽事環境再唔似1000米，俱有入圍機會。「天子駕六」成日唔係因為隻馬就係個騎師，令到成績唔好，希望人馬表現有番水準，根本五班冇有怕。「飛天龍駒」，今仗除配備加程手法，早前已曾嘗試，希望唔係又只得一段仔力。
「小宇宙」初出太急口，上賽已有改善，唔係跑線不利未必冇Q，今仗6檔則要視乎早段能否早啲外移。
「勝利大將」五班大勝，外檔係主因，升班變3檔，情況翻轉晒。「信心十足」及「千軍萬馬」，前景唔係冇，係蝦初出進度而已，而後駒1檔更加唔易克服。「日日中」速度喺直路賽啱發揮，可能速度夠快，5檔一樣外移到。
「龍得風雲」排番內檔，以佢前仗拉士追勁，計埋磅位，可反先「寶貝」。後駒少有打叠好（四季內曾1次），不過，贏完有時間休息及操練，今場仲要有1檔，拖腳。
「生豪」贏馬展示出近仗冇見過嘅爆炸力，內檔場地好或係因素，但今賽對手仲冇上賽咁強，仍有贏面。「溫暖先鋒」12月頭退出後，準備完全冇停過，大閘試得又吸引，正路腳。
「尊勝福星」出道第2仗勝出此程，未熟有眼見，係靠大步、氣量及質地贏馬，由於仲喺四班，重磅依然惡。
「松風」與「文武精神」，近況唔係冇水準，實力及勢頭就唔及前駒，爭腳多。「超綵」上賽途中遇意外，亦未必影響到直路衝都唔衝吓，何況今次轉到1400米，略有保留。再揀已要從「喜運財星」及「雄姿儷影」之間選擇。
「鋼志」等報此程已有一段日子，總好過1400米追唔切，之前喺谷草一哩亦受制短直路。話晒衝贏過「翔龍」，四班重磅一樣掂。
「真慷慨」與「精彩遊戲」，前駒繼續有內檔之利，環境一如上場贏馬時，後駒如改變跑法，1檔肯跟前啲，可能有突破。「足智多謀」近仗愈跑愈跌磅，有戒心。「快達小子」與「神聖駒」，前駒季內未有起色，後駒有時難操控，但如交出那段後勁，實力唔差得過同場任何賽駒。
「勁闖駒」8檔好過上場3檔多多聲，未必又會畀「精靈勇駿」再先過終點。後駒剛勝時間快、姿態好，希望可頂多劑。
「跑寶貝跑」1檔令轉線風險大大提高，向唔到外欄，可能蝕唔起。「紅運福星」搵啱出路，並試好配件，肯唔轉路程，心意好。「綠色寶」上次鍾意，惟今場形勢與剛仗已不一樣。
「創佳績」前仗先至入圍，水準如何唔會睇得好重，至少知道老馬唔係得季初1場便收工，隔一隔，回到老本行，有埋1檔預佢慳，何況負中磅在三班着數。
「財運」冇埋內檔，如早段多用力搶前，末段仲難捱。「俊威威」和「福到多多」近兩仗唔係耗力少，係咪仲有嗰段後勁，真係冇保證。「萬人迷」早段夠快，或有利佢爆一段，希望唔好又喺內欄衝，可能更勁。
「禮尚往來」點都跟埋今場，有番內檔如再冇表現，才當之前一班那場唔係指標賽事。
「勝利之星」與「自由勝」，蝦前駒季內初出，後駒此程要留得好才扳到，只宜作配。「天外之天」上賽完全唔知點輸，當係偶一為之。「確叻迅」外檔未必留得順，有風險。「貝利高」唔唞繼續跑，唔易維持。
|
|
金睛卡
发表于 2012-1-21 10:05
变色卡
显身卡