穿針引線獨贏票勁

猪拉多纳

        可能送歲賽唔係大倉主杯茶，今日大部分場次冇重心，飛數亂到不得了。難得嘅係，係亂局之中，仍然有三匹馬孭重飛做大熱門，佢哋就係「金剛驃」、「尊勝福星」同「小宇宙」，跟吓穩陣。
        
        怪飛馬喺冇重心場次搵，結果發現第八場「穿針引線」有料到。冇錯﹗呢匹馬星期日先喺泥地1200米輸到甩轆，但大家唔好忘記，呢匹馬今季六場賽事，最熱嗰次都有13倍，其餘場次最後賠率徘徊喺25至99倍之間，冇次好睇好正常，但佢今次唔知搞咩，獨贏賠率曾得7.6倍，一度熱過上仗贏馬嘅「福到多多」，因咩解究咁吸引？唔通係因為梁定華嘅「勤跑戰術」成日得手？唔多唔少啦，但最重要係呢隻馬評分已減到有利水平，唔出手等幾時？
        
        韋達騎師王穩過鐵打
        
        騎師王方面，韋達只得1.5倍，穩過鐵打，無謂同荷包鬥氣，由佢贏啦。周仲