大摩精兵搶尾胡

猪拉多纳

　　昨日為夜賽排位之期，晨課氣氛稍為冷清，動態最矚目為柏寶過檔大摩馬房「四季」，人馬往草地快跳前，大摩兒子親在機坪欄邊近距離睇其踱步熱身，然後吩咐助手牽引馬兒慢行讓他檢視一番，柏寶到來時再與他耳語密斟一番，一邊睇馬一邊傾，極有瞄頭。

　　四季狀態大勇

　　「四季」其後在柏寶胯下快跳八百米，起步即急步而馳，走來火猛力強，馬身粗壯，肌肉結實，精神飽滿，未段愈衝愈勁，狀態仍在大勇境界。大摩馬房今季調兵遣將十分靈活，大賽繼續施馬海戰術，普通賽事則採精兵政策，而且屢有收穫，明晚谷中夜賽中獨出此馬，觀備戰有意添食，值得研究。

　　列陣第八場二班1800米的「四季」，上仗角逐田草1600米，結果以半個身位壓倒「福智」取得其季內首場頭馬，拼後準備完全沒有鬆懈，上季尾牠曾勝此程，此次重遊舊路，有運排三檔好位，形勢對此匹均速馬更為有利，因白德民停賽而改配柏寶，顯然有意打鐵趁熱，可食尾胡。

韋柏