精奇後勁唔簡單

猪拉多纳

　　第九場三班1600米。「薄荷糖」初上三班即贏，贏馬距離短、時間唔快，並唔係代表唔叻。一來，二馬係季內兩W「太平星」；二來，頭三段實在太慢（比標準慢秒半），仍可在直路爆上嚟贏，真係唔容易。今仗「薄荷糖」加了8磅再跑，其實對手冇上賽咁強，如果唔係體力頂唔到埋今鋪，有資格再取1W。

　　第十場二班1600米。「精奇」由前仗輕勝「進攻足球」，再到上賽僅贏，兩役取勝姿態有唔同，係加磅拖低了能力？對手增強咗？唔排除兩個可能都有，不過，杜利萊處理上唔一樣，亦係關鍵之一。比較起對上兩場，前仗出彎冇耐，騎者已經一早郁手，但上場轉正直路後，佢差唔多去到最後300米先至開始騎，但仍可爆贏晒近績準嘅「傲男」和「陽光普照」，少點本事也不可。推算上二班孭番輕11磅，唔會冇得跑，希望佢靠股銳勢，效法同主「奇葩」，可以直落4場跑入前三名。

馬會賽馬節目主持　洪禮賢