普萊西又嗒薄荷糖

猪拉多纳

自從獲續牌至季尾後，普萊西手風轉順，支持亦有增無減，年初三賀歲賽接手柏廐「薄荷糖」即贏馬而回，與方嘉柏取得季內合作首場勝仗。既然人馬合拍，勝後只個多星期即匆匆報戰，原裝配搭再遊舊路，普萊西當然想食過翻尋味。
  
「薄荷糖」（近鏡）上仗力拒「太平星」掄元，普萊西發揮出色。





在龍年賀歲賽敲響季內勝鼓的「薄荷糖」，普萊西初騎即擦出火花，勝後匆匆再臨，騎者對連捷機會表示樂觀。他說：「『薄荷糖』剛戰初跑三班即勝，雖然佔有輕磅之利，但仍能在全程外疊走蝕位的劣勢下贏馬，實力有目共睹。由於此駒略帶懶性，上仗硬拚後反而有助牠加強角逐意識，今次匆匆再臨肯定利多於弊，再下一城絕非不可能的任務。」
  
普萊西

多樂趣爭泥勝任


除了「薄荷糖」有餐士之外，普萊西也睇好角逐五班泥地1200米的「多樂趣」，他續道：「以『多樂趣』的血統及長相，如非體質較弱，應不致淪落五班。上仗增程跑1600米，表現稍嫌失望，但經過連場賽事後，健康情況已告穩定下來。季初同程跑至氣管有血仍得第四，性能應屬泥優於草，吼準機會再爭泥地，當然機不可失。」
  



此外，普萊西自上季尾策「中環英雄」未盡全力被重罰後，與姚本輝合作便告一段落，今次獲重召替「電光能源」出爭主席短途獎，雖然坐騎實力下風，但揚言會盡力而為爭取表現，為日後合作鋪路。