旋風魅力對手無多

猪拉多纳

　　睇過近期谷草B欄賽果，唔算爆得好甘，唔少熱門馬紛紛闖入三甲，賽駒跑法亦冇話特別利邊種，賽道算係比較平衡。而今晚8場賽事，唔少華將坐騎值得諗諗，如黎海榮及何澤堯，就算未必做到騎師王，三兩駒跑入前列絕不覺意外。

　　第一第第五班1000米。「盈驥」馬老力短，目前最佳出路會係谷草1000米，不易再喺其他路程發威，所以，今季唯一上名正正喺此程。自從上場之後，未有急於再出，但期間操練冇停，睇練者心意，立心儲夠體力搏一鋪！今仗打王牌出戰此程，顯出決心，對手多五十步笑一百步之流，交出之前入Q水準，足以稱雄。

　　第五場第三班1200米。「旋風魅力」今季表現未算出色，跑來跑去跳不出四四五五嘅框框，係狀態不足？還是實力有限？真係諗唔明，不過，冇1場輸到冇影，照計目前唔係冇狀態 ？！ 呢場加眼罩縮程，如意算盤或者打得響，事關之前冇配備幫助一樣近，若果眼罩起到作用，在對手無多下，要爭入前列，唔覺有好大難度。

　　第六場第三班1800米。「精算縱橫」先在谷草一哩贏馬，翌仗轉到田草1400米又入Q，跑贏該程專家「豐衣足食」，那席第二名水準唔簡單。今仗又回到谷草，但有一哩唔跑，專登加程一試，睇血統背景應該冇問題，同時，亦信任蔡神仙眼光，不妨追多場。

資深評馬人　陳華棟