勝利大將胃口好番

猪拉多纳

　　蘇保羅馬房今季暫時累積11W，成績遠較去季同期理想，有實力之馬亦會把握機會盡拼。今日蘇廐只派四駒上陣，但馬房中人仍有信心可交出頭馬。

　　出爭第四場四班1000米的「勝利大將」，前仗在同程大勝，以四個多身位拋甩亞軍「金剛驃」，後駒再出已打叠贏兩場，可見賽事水準甚高。上仗此駒續爭直路賽，卻僅跑第六而回，賽後廐主亦大惑不解。經過小心查證之後，發現此駒食慾有問題，現已立即替牠更換飼料，轉食法國合成料，近日馬兒食慾大增，狀態已回復水準。

　　今次「勝利大將」再跑1000米直路賽，交由梁家俊執韁，此子近期策蘇廐馬屢有好表現（見表），顯然有心出擊。同場多匹實力馬要負重上陣，反而此駒只負116磅，甚為有利，計落有爭勝之機，必須重視。

　　蘇廐另一匹實力馬，是出爭第九場一班1400米的「新希望」，此駒季內五戰取得三冠一亞，狀態長期見勇。上仗勝後，此駒操練工夫仍見積極，走來有火有力，論馬有極強鬥心，後追力亦甚強，今次繼續出爭強項路程1400米，縱升上一班作賽亦有足夠實力爭勝，仍有追捧價值。

　　齊歡笑有威脅

　　同場對手之中，要留意鄭俊偉馬房的「齊歡笑」，此駒亦是一匹高質馬，柏寶對牠甚有好感，認為其鬥心十足，演出亦穩定。上仗遇「精彩日子」，落敗亦無話可說，今次再跑1400米，排檔內移易發揮得多，有力威脅。