好好機會飛馬之威精明出擊多利皇 超皇鷹新希望齊歡笑喜蓮芳芬

猪拉多纳

　　今日賽事會唔會似之前周末賽期一樣，頻頻有冷門出籠？個別場次有咁嘅可能性存在，所以，部分場合熱門宜小心處理。

　　
　　騎師陣容方面，韋達唔算多好馬，反而白德民及蔡明紹，機會馬唔會少得過前者。

重心場次　第7場　第三班（80-60分）1000米草地

　　「跑寶貝跑」連贏兩場直路賽，過程相當「悠」，冇對手可以迫近佢，實力太勁，今仗唔係重磅壓親，可三連霸。

　　「一寶」已指出首仗跑法肉酸令名次落後，上賽肯順走效果就唔同，當然，隻馬熱身後係冇咁急，亦係進步成因。是賽轉到草地直路，外地有晒根據，成績應更好。

　　「喜來仙子」改跑此程，氣量要求冇咁大，又唔使應付轉彎，對佢最合適。「龜兔競跑」四升三班，因磅輕及好位，將可拉近差距。「禮尚往來」加面箍縮程，賺級數但輸路程。「駔驍駿駒」按上場頭馬水準，加分後唔會冇得爭。

　　「豐盛之星」上場1600米爆唔起，但末段夠韌，跑長200米係理性安排。「電訊超星」四班長期輸近，落班兼好位，應可提升名次。

　　「碧玉釵」場地正常，預料末段會衝得比上場強。「神箭金剛」和「電訊至尊」剛賽同到終點，論表現前駒較佳，因為當時跑法其實唔係咁啱。「大衛金剛」排咗外檔，未必蝕得起。

　　「開心指數」上仗轉場地加配件即贏，走規及舉止明顯比初出有改善好多，證明轉膊行得通。

　　「溫暖先鋒」雖然出閘慢少少，都唔應該會令上場跑得咁差；「龍得風雲」末段衝勢亦冇預期咁強，一對馬爭P而已。「好食德」及「自家威」悉數排外檔，增添難度，取決早段泊到咩位？！「大少爺」頭兩段速度可靠，博有泥地，隨時放入一席。「共同目標」係擔心搏得密，嚴格嚟講，此程係最理想。

　　「曬冷王」預計今場唔慌早段會快，有埋廐侶在前，沿路更安全，可成最大受益者。「包裝選擇」再遇「滿綵」，由受讓6磅拉闊至於11磅，會係反先推動力。「牽動美麗」熱身後加程並負輕磅，正好睇真啲實力與紙上賽績係咪相符。

　　「尊皇騰龍」上季四班此程入Q，夾在當時弗極「領航人」及「星運俊爵」返嚟，今仗如交出水準，有埋外檔優勢，可放入圍。「健康精英」唔係慢閘，又唔係過行的話，速度喺四班好有威力。

　　「電子福星」和「樂有贏」，磅重及轉程，加上排內檔，唔易應付。「首飾達寶」回到四班鬆綁，同喺三班捱打係兩回事。「勝利大將」上賽回到四班，放至最後百餘米力弱，比預期失望。

　　「好好機會」閹後復出表現好，事關早段跟得急又外叠，最後一樣唔斷。照計今場5檔而有正常步速，啱晒發揮。

　　「精明出擊」陣上愈來愈識追馬，降埋班仲好，係擔心加程會點。「多利皇」與「勁綵」，暫時進度喺四班此程最多值中級而已，拖腳尚可。「飛馬之威」加磅少，而上賽贏馬時間好，可能有兩劑。「幸運來」隔得耐至復課，程序上同正常有出入。

　　「健康藍莓」減至貼近上季第二捷時分數，漸漸有優勢，而上場早段搶唔出，直路又曾經塞車，改用後上一樣可以跑得近，表現超出佢正常水平，要追。

　　「大喜象」除咗冇用配件，又忽然轉場地，其實喺季初泥閘已經試過後勁，有可能今場現真身。「成就美麗」剛仗蝕過「新強勁」，返嚟輸少少，今仗條件有變，有權反勝。「財神駕到」均速馬，大步靠檻，希望3檔令早段霸到好位，入到前列。

　　「馬之王」段段有跑法，在今場冇快馬場合仲好跑，如1場地模式利前置，更有機會帶到。

　　「勁力」加磅及排外檔，整體條件梗冇贏馬一役咁理想。

　　「太陽海岸」大大件，具有應付到泥地體型，而數月前曾在泥閘考驗後勁，等到現時在草地評分開始有阻力，嘗試改戰泥地，或有後着。

　　「華美之星」已貼過兩次，其實唔擔心連勝加分，亦唔怕轉場地（曾輕鬆贏泥閘），不過，外檔和重磅唔係冇影響。

　　「超皇鷹」之前贏「奇葩」係有實力指標性，而結合上場同程直路「漫不經心」演繹亦追得勁，以目前狀態水平，隨時贏得。

　　「新希望」季內1400米太準，正路之選。「牛精大師」剛仗係咪淋地及單騎領放先至入到Q，今仗有答案。

　　「齊歡笑」地快的話，直路應該衝得勁過上場好多。「勇敢小子」有大閘程序，亦算試得唔曳，但眷戀往績個夢要斬纜未？！睇埋呢場。「喜蓮芳芬」上仗騎師直路喺內欄「發夢」，初出至會名次唔起眼，小心熱身後郁手。　

　　「天外之天」今季係得前仗甩P偶一為之，前前後後都係跑得好，贏開就算加咗磅，仍具可靠性。

　　「喜惑」二班中下級場合，唔係太下風。「伽羅」及「確叻迅」，分數再冇多大上升潛力，發揮得好至會有P。「高一線」曾經退出，工序冇停過，順勢唞到夠至出賽，其實仲好。

馬會賽馬節目主持　洪禮賢