洪礼贤讲马:骑士皇事事顺意深智能业和牛

猪拉多纳

今晚赛事在谷草C栏上演，不太利外档係事实，因对上3期嘅24场头马之中，其中16场係6档及以内。

　　今晚赛事在谷草C栏上演，不太利外档係事实，因对上3期嘅24场头马之中，其中16场係6档及以内。

　　说到形势，骑师方面，唔觉有独大情况，而练马师阵容略有同感，稍为多实力马的则係何廐。

　　「雪米糍」连续两场在谷草都因外档起步，打乱整体发挥，不过，一再在恶劣环境下有追势，谷草性能幾叻。而上赛沿路仍带有少少抢口，所以，今场除眼罩跑，或会留得较畅顺，加上排到好位，唔使迫於留得太後，可能令威力有所增强。

　　「追月」班次有利，係近绩差吓亲，究竟之前係低沉状态问题，定係临降班前无心恋战落败？落班、换人及转路程，应有答案。「浦东之威」韦达好少会骑，亦未试过骑亲唔掂，此对人马属正面讯息。

　　「胜利骏驹」四班不用负重，如形势不太差，必属前列分子。「玩具神话」上场大致跑啱而冇P，略感失望。「伟龙」小将发挥唔到，上场至会冇位置，肯转场和回配郑雨滇，态度正面。「欢欣星」近仗一哩喺跑法唔同之下，表现截然不同，肯留留埋埋爆一段，唔敢睇小。

　　「快意」前仗此程安国伦「食」唔住，末段内闪唔係好骑得到，如果唔係必有叁甲。隔了一场田草「外遊」赛事，又回到此程，仲肯加强配搭，以郭能骑功，唔会搞唔掂，成绩可突破。

　　「飞天龙驹」已经冇藉口再畀，註定五班都要睇形势之流，希望对手再弱啲，而跑长200米，可提升名次。「普渡馗」唔易留，宁願跑法似前仗，而本身够快，有埋配件辅助，博11档可切入，随时带到。「嘻哈大少」唔叻又冇窜劲，要似大前仗咬到靓位，睇吓5档捱唔捱得到尾。

　　唔多马走，可能会係「标青」、「威水福星」及「迅者」3驹拍拖更，而论级数，前两驹较高。

　　「超力驹」少数季内识赢之马，唔係又交唔出表现的话，以之前入围水準，点会唔够争。「旺财神算」稍为挑剔刚赛出弯前後嘅处理手法，如果多点努力，唔只会得第五名，希望今场骑者跑法咪再咁呆板。「好好运」如赛事中留放畅顺，由於太轻磅，赢面幾大。