山頂果然好風光

猪拉多纳

馬來西亞拿督陳振南貴為澳洲大馬主，曾養過多隻名駒揚威澳洲，好似「神聖」同埋未移籍歐洲之前嘅「信可成真」。至於佢位公子陳文生近幾年就喺香港養馬，但佢嘅養馬運就冇老竇咁好，只係靠嗰隻「彈彈神童」拉過一次頭馬。不過，尋日陳公子終於有所突破，靠佢隻新寵「山頂」一出即贏，終於再嘗頭馬滋味，難怪佢賽後笑到見牙唔見眼啦。
  
山頂初ac出按韁輕勝。


陳文生：冀望步步高陞


賽後陳文生就話「山頂」係自己親自培育，事關「山頂」嘅父母Pendragon同埋Cavita都係佢擁有，所以見到愛駒可以即刻贏馬，都好鬼開心。佢仲話以往鍾意買自購馬返嚟，因為以往PP籤易中啲，但依家PPG籤都好易中，今鋪特登引入呢隻馬嚟香港。至於點解幫隻馬改個名做「山頂」，陳生話希望寓意愛駒可以步步高陞，先至改呢個名。
  
山頂台前幕後開懷合照。




十一屆冠軍騎師韋達昨午手執重兵，結果只贏出「山頂」和「育成王子」兩匹雞胡馬，最終僅以三十八分成為騎師王。