大旋风明旺雪米糍多利皇

猪拉多纳

　　原本对上3期谷草C+3栏赛事，大利内档马（24W之中，有14场为1至3档），但如果今晚场地偏慢的话，外叠未必如往常咁失利。

　　今晚各骑师之中，潘顿及巫斯义特别多重兵，佢两个有马赢係正路，问题只在於幾多场而已。　　

　　「万醒驹」少数高廐初出可上名之马，本已具指标性。睇佢当时际遇，由出闸被撞，再到中段挤迫要一抽再抽，入到直路更迟发力，最终只输半个身位，实际表现比头马叻得多，如不是地慢唔掂，赢面大。

　　「千军万马」上赛输在末段唔够韧，加罩转到谷草1000米，有针对性安排，如10档可在早段抢前而又唔係叁四叠，或可带返。「四喜临门」加罩试大闸，速度感好，落场係咪一样则要博。

　　「活力骏驹」处境或像前仗入Q时，边线脚。「韵出真爱」之前曾退出，工序略受影响，但若进度冇拖累，以刚赛叁班悭位输近赛绩，落班或可提升名次。「火燎腚」终於跑番本身水準，加分後仍未吃力。 　　

　　「步如飞」之前曾在此程入Q，当时唔係直路迟望空，应该赢埋，而上赛後上入位赛绩同样劲（属该日少数可在末段大幅改善名次）。趁当打回到大长途，未交代马必把握机会。

　　「无敌骏驹」处於难得稳定期，已搵啱出路，安排跑此程，态度应进取。「欢乐宝宝」泥地不合，所以刚败不用介意，回到胜途，机会唔同晒。「康乐名驹」及「魅力影子」，如地慢实力打折扣。「寿比南山」赢完连输3场俱有藉口原谅，唔排除忽然返嚟。 　　

　　「京城精英」少有大力做嘢，终肯除眼罩及加程，应该係目标所在。「阳光王子」有级数，内档亦减低初跑谷草风险。

　　「龙腾宝驹」渐渐跑起状态，回到此程会比1800米更佳。「天宝之威」上赛前工夫大力加压，但可能增程先会冇成绩交出，回到大前仗获殿军嘅一哩，畀埋最後机会。「金玉之光」与「盈嘉飞驹」，排外档不免早段多耗力抢前，除非大利前置才有曙光。 　　

　　「江山如画」连赢两W後，上场名次滑落，係因为冇尽抢？抑或已见顶？今场会有更深了解，如跑得出前仗水準，应有力放返。

　　「金紫荆」赛前工序明显与前时唔同，且地淋或可提升威力。「祥祯」回咗叁两场，对手又係之前一堆，如体力复现，末段会有份冚。「驷马难追」搏咗叁幾场，要博佢仍顶得顺。「幸运多宝」经一场重新适应，回到胜途，希望唔好又失望。

　　　　「横扫千军」近两仗置前走势讨好，今仗排档内移，因应地慢，或可带到。「团队精神」及「多多昇」，有能力却也有挑剔地方，前驹变化地向来麻麻；後驹重磅和外档係变数，拖脚则唔反对。

　　「田园名驹」力短，回到谷草係好事，可惜外档难克服。「永顺益」仍未熟，上场追得好但仍见内闪毛病，不过，加程应会好。「海之宏」如非排中档，也可考虑。 　　

　　「大旋风」上周叁已报此程（条件赛後备一），可见今次唔係一时乱报路程。由於今仗步速唔快，预料可吊住喺「钱程万里」後面，要求气量相对减低，有埋慢地帮手的话，更加好跑。後驹如前中段拖得慢，未必係电兔。

　　「雪米糍」上仗已跑出100分，一样遇伏兵，今仗加磅及外档，点都会削弱能力，过热只宜作配。「明旺」初跑此程赢得「叫关快」、「好运得福」，加5分有赚。「多利皇」之前同程曾在不利内栏获殿军，谷草性能唔会差，惜季内演出大致失望，只宜拖一注。 　　

　　「中国动力」近两仗加罩後索性摆前走，效果仲好，尤其上场放得比前仗自然，如今晚利放及利内档，大有出头之力。

　　「喜来仙子」冇大进步，係因内档先会谂。「特好」戴眼罩向来有刺激作用，加上，终回到主项，唔应该再hea。「骏蹄飞」和「天赋传奇」，弊在跑法太被动，恐末段追唔切。 　　

　　「红日」上场有拣，已指出之前两场败绩纯粹输在跑法及际遇，既然跑得番，而今场仍排好位，追多场。「威仔皇」之前赛绩硬净，正正路路回到此程係好事，唔係慢闸或取位太错，末段会湧到上嚟。

　　「精彩生辉」前仗入Q表现有惊喜，但今次唔係B栏，未必又利佢嘅跑法。「开心至爱」隔得耐冇跑，不过，近期有压迫工夫，而尝试转配件亦有变身诱因。「心中有程」和「进胜福星」受惠少马放场合，如放得有尺寸，有权偷袭。