四贝勒外档照惹飞

猪拉多纳

　　如果要搵今日最受欢迎骑师，非韦达莫属，唔係因为佢揸住好多匹大热门，而係有好多冇近绩嘅马因佢而热，「时尚风华」、「有盈有利」同「雲吞虾王」就係表表者，睇吓係咪真係咁犀利先。

　　呢期怪飞马决定拣隻初出嘅，佢就係「四贝勒」。本来以佢近两课闸赢晒呢个成绩，隔晚得7.9倍W一啲都唔奇，但问题出喺档位上面。话说「四贝勒」近两课闸係用跟前守好位呢招赢马，周某唔多唔少会估﹕佢今期应该用放头跑法啩？所以排完位之後，见到佢排喺十四档，个心立即凉咗截，但佢嘅「粉丝」似乎唔认为十四档难倒佢，照捧可也，信心既然满泻，一於放胆拣佢。

　　韦达骑师王一枝独秀

　　骑师王方面，虽然潘顿开飞後赔率跌到3.75倍，但相比1.6倍嘅韦达，真係小巫见大巫，都係捧番韦达好。周仲