马主论战：乐驰质高要吼实

猪拉多纳

　　乐驰质高要吼实

　　今日有唔少初出马，部分场次形势亦混乱，赛果随时暴冷暴热，小心为上。

　　睇中头场何廐「乐驰」，虽然今次係在港初出，但睇呢匹马有型有款，质素应该唔曳，埋门亦做足工夫，有权即食。

　　另外锺意第叁场「龟兔竞跑」，在港叁战取得一冠两亚，入Q率高达百分百，质素唔使怀疑，上次输畀大超班嘅「跑宝贝跑」可算非战之罪，今次对手冇咁强，应该可以顺利赢马补中。

　　张敬山

　　四贝勒初出即食

　　潘顿刚战中叁元封王，可谓杀得性起，今日骑九驹上阵，随时又连场数胡。推介第五场「四贝勒」，最近试田草800米闸同谷草1000米闸赢晒，已经做足晒準备工夫，今场对手唔算好强，有权一出扫晒。

　　另外锺意第九场「芙蓉之宝」，在港两战全胜，上场蚀分之下一样跑赢「熊英雄」，捧走新马锦标绝对係实至名归，今次跑叁班赛唔会有任何阻力，可保不败之身。

　　任达华

　　豹显神驹施冷箭

　　伍碧权刚啱凭「速度快」同「劲有盈」起孖兼捧盃，手风真係好顺，今日一於吼实佢手马。

　　推介第四场「豐彩人生」，在港十战全负，战绩虽令人失望，但上场跑泥地只输畀头马「都灵一号」个幾马位，係来港後表现最近一仗，转争草地赛随时有惊喜。

　　另外锺意第二场「豹显神驹」，上场跑1800米亦只係输两个马位，状态明显已经返咗嚟，今次缩程跑1600米应更加啱跑，随时爆得。

　　寇鸿萍、梁廷锵