胜利福星後劲赢晒

猪拉多纳

　　今期赛事係跑马地百万挑战盃最终一战，战情幾吸引，真係边个捧盃，甚至於二叁名，可能要鬥到尾场先至会有答案。讲到今晚形势，个人认为爆冷居多，事关隔夜有部分场次热门马匹，赔率热唔透，赛绩又唔係咁稳阵，所以，有幾场我建议吼吓冷门马。

　　第一场第四班2200米。「胜利福星」季初连田草1600米照赢，之後上番叁班要坐马监，但又唔係冇接近演出，曾经跑入第叁名，係就係输得远少少，点讲都係叁班同程场合，而头二名係「佳景良驹」及「中环英雄」，水準唔係差。比较起今场，好多马近绩唔多靓，如果唔係不利追，以佢嘅级数及後劲，有权喺直路後上扫晒。

　　第叁场第四班1200米。「多多昇」四班此程唔係冇实力，近两仗已经见影。如果上场唔係末段有少少阻窒，应该有机会跑入叁甲。今仗韦达唔拣，用上普莱西，配搭係冇咁可信，因季内骑练成绩极普通，但就係咁先有赔率去博，若果今场早段多马走，有利後上马的话，而佢排2档预咗悭到脚程，留到直路鬥後劲，就会係佢世界。

　　第六场第叁班1650米。「超群名驹」至今仍未出头，实力在叁班唔算係「高层」，不过，睇前仗跑谷草，可以喺此程後追幾劲，衝到差啲有位置，场地性能应该幾好。今场用到郭能，借助佢硬功，可能发挥得更好。当然，由於隻马跑法被动，亦要视乎步速，希望前中段唔好太慢，令佢直路有时间追。