一言为定卡士高

猪拉多纳

　　第九场叁班1800米。早前已说过「驌龙」初出未够态，至会衝输畀「华美之星」。上赛再输就唔认为係与马匹实力、路程或状态有关，因前中段被迫在外叠冇遮挡（当时韦达已不停向埋便望，好有心想楔），但最终都係冇办法改变不利处境。

　　今仗改跑此程，睇过上赛走势，以及根据血统背景，1800米应该仲好。讲到级数更加唔係考虑问题，坐拥一二班实力嘅佢，喺叁班边可能困得住。

　　第十场一班1800米。「一言为定」入Q一役有拣，翌仗却跑得幾差，唔清楚係咩原因。而上赛又跑得唔错，话晒前五名俱为120分或以上，佢跑到第六名有晒交代。

　　今仗由一级赛，落番一班赛，未至於係鱼翅变蔗渣，对手实力跌咗好多係事实（馀下13驹季内未尝在二班赢马），以此驹级数，负133磅依然让得起；早前试大闸後追有势，近况唔会冇水準，季内未交代之马，应把握黄金机会。

马会赛马节目主持 洪礼贤