最著數搵柏寶補中

猪拉多纳

柏寶傷愈復出，幫呂健威馬房騎「成功年代」及「最著數」兩駒，論牌面兼爭勝實力當然係後駒秤先，剛戰在大好形勢下由贏變輸，仲要被貶落第三名，幕後唔慶就假，今勻決心搵柏寶就係要補中。排位朝過檔快試兩段走勢輕盈矯捷，依然咁弗，而騎練開軍事會議則在昨朝舉行，未夠六時已見柏寶走到烽火台搵威哥商討軍情，動態非常積極，餓馬已久的柏寶表現得自信心十足，風采依然，猛虎出籠要(目及)實佢！