马主论战：电讯至尊转场补中

猪拉多纳

　　电讯至尊转场补中

　　今晚我哋隻「电讯至尊」有份上阵，呢隻马上场响田草1800米幾乎放到，最後输条颈畀「大卫金刚」跑第二，只係差啲运气。今次转嚟谷草上阵，对手冇咁强，希望可以顺利拉番一场头马喇！

　　另一匹心水係头场「好通胜」，上场转去伍碧权马房後初次上阵，响谷草1000米都跑近，今次加眼罩兼增程跑1200米，应该更加啱佢发挥，始终响五班有多少着数，今次有权赢马开斋。

　　

　　张敬山

　　爱睦善胜在主动

　　姚本辉刚战赢咗「劲辣椒」同「开心老友」两隻冷马，睇嚟都要好好吼实呢个仓啲马。推介第二场「八佰匹」，近四仗取得两季两殿，今次加头罩上阵，随时有进步演出，开斋在望。

　　冷门锺意尾场「爱睦善」，季初曾响谷草一哩跑近「阔袍大袖」同「蓬莱仙子」上名，响叁班一定有着数，跑法主动嘅马如果肯一早抢出，话唔定可以一放到底，有分头值得一敲。

　　任达华

　　梦幻魔術唞够搏

　　韦达刚啱赢够5W，今晚唔捧佢啲马点得？锺意第叁场「梦幻魔術」，近两场大败，一仗赛後要解画，另一仗则验出有痰，唔能够作準。今次唞咗成个月先再上阵，係时候做番齣好戏。

　　另外推介第四场「好运得福」，上场响1800米後追赢马，末段走势唔讲得笑，同场跑第四嘅「实业传奇」再出已补中，證明水準高，一於追多次。

　　寇鸿萍、梁廷锵