梦想家信心飞返嚟

猪拉多纳

　　今日本地赛同转播赛加埋，有十九场赛事，唔好话唔惊喜。外地赔率周某冇咩研究，不如讲番本地赛好过。唔知係咪韦达近期热爆，呢期赛事有四匹大热门关佢事，睇吓今次会唔会又係佢嘅表演「秀」先。

　　望完呢日排位，周某觉得郑俊伟好似想喺今日郁手咁，既然摆咗成支军队嚟，怪飞马一於喺佢度拣，结果搵到第四场隻「梦想家」。呢匹马今季转咗郑廐最叻仔得第八，赔率当然冷，近两仗直头连「粉丝」都唔睬佢，最後赔率分别有94同95倍。照道理，佢今次应该有99倍先啱，但事实又唔係咁，佢噚晚一度得20倍W，明显有番信心飞，係因为返1400米？係因为一档？难以估计，但既然有飞，点解唔信？

　　韦达骑师王热得交关

　　骑师王方面，韦达又係顶头大热，得1.55倍，睇嚟未断缆前，唔好同佢鬥气了。

周仲