千军万马官仔骨骨绰力之城神采商人 万人迷荃城欢欣都灵一号宝贝

猪拉多纳

　　今日7草3泥赛事，草地採用C+3栏，泥地全属1200米。根据之前赛道模式，C+3栏向来利於主动及守好位跑法，如果今日地慢，偏差或进一步加剧。是赛韦达又强兵列阵，前两期沙田赛事佢单日可擸4、5场头马，但今日应该冇咁易。另外，杜利莱呢期坐骑整体有睇头。

　　「万人迷」往绩已显出四班同程值一线，重返此程又跑低半班，除非场地状况冇得追，若不，以佢能力直路唔会冇得衝，更何况，呢场早段慢极有限。

　　「荃城欢欣」初出劣势一样有Q，加上係紧随「开心指数」返嚟，有跟进价值。

　　「都灵一号」未确认唔够班，因之前两场俱跑草地。「上海先锋」只怕能力所限（刚赛大好形势衝落梗颈四），要对手失準才有机会上名。「宝贝」赛前準备似样，始终係季内识赢同程之马，排档又好，呢注唔好悭。「温暖先锋」经过上场已冇藉口，目前只係班内中下级马。

　　

　　「齐鼓掌」唔建议当上场有跑过（大半程处大外叠），要计就计前仗输畀「长胜」嗰场，如做好留放，喺今场够用有凸。

　　「西域雄心」近两仗跑输，前仗尚且推落出闸差，上赛已经冇得开脱，沿路内栏悭，直路衝唔起。硬係要再畀机会，只因转场及除罩而已。「骏马飞腾」2月才重投操练，希望进度赶得起，而因为耐冇跑，有足够新鲜感，重返短途仲好。「赢啲啲」及「新叁刀王」，弊在排档不利，边线脚。

　　

　　「千军万马」比幾匹初出马多幾场经验，同埋，初出同程喺不利跑线入P唔简单，算係较为可信。

　　「官仔骨骨」谷闸匿得辛苦，真真正正欲盖弥彰！「绰力之城」及「自成一格」最近一齐试闸，论风头及走规，前驹比较好。「神采商人」试闸係有速度，今场排档又好，不过，睇佢落脚唔够敏捷，落场跑如早段唔快，之後际遇就危险。「创出商机」目前未养成韧力，9档加速度，睇吓放到边。「尚骏心」如场地唔慢，便要小心。

　　

　　「熊英雄」及「龟兔竞跑」，彼此俱有前途，前驹係少数霍廐极準之马（在港跨季5场冇W有Q），後驹叁班跑两场获冠亚各一，当然，论成绩係前驹證明多啲。

　　「礼尚往来」又加配件转回此程，安排与前仗差唔多，态度正面。「胜利攻略」转排外档係帮到手，不过，目前走规依然欠佳，要博眼罩有好大功效。「松林之星」上赛已贴过，末段追得唔错，因今场11档，有权提升後追威力。

　　

　　「齐歌唱」惨在内档由帮变害，令上场直路塞死，希望换人、赛道及环境唔同，交得番前仗能力。

　　「多利皇」实力係咁上下，经常跑叁至五名。「幸运勇士」一如季内模式，硬係要隔一隔，可能又会返嚟。「卡加大师」属同场季内赛绩最好之一，惜外档及重磅略打折扣。

　　

　　「好胜煌」留得太後唔啱性能，所以，咪介意上场加程即走样，呢场排1档，如改回中置跑法，可能有幾大分别。

　　「天瞳」成日塞车，落入薛宝力手上，希望演绎会比上两手好。「首饰孖宝」冇形势便打回原形，事後睇番进度和能力可能高估了，好在今次7档遇上马少场合，处境唔应该差得过上场。「大卫精神」如果跑埋今场仍冇突破，便不宜再谂转马房後变身概念。「超群名驹」必须留放一流至会跑出水準，可争不稳。

　　

　　「皇龙战驹」两度与「阳明飞飞」埋Q，都係借助赛事形势，估计今场係得「贝利高」会放，佢排2档或会赚尽，隔晚十幾倍W，博得过。

　　「何方神圣」与「驌龙」，前驹博转马房後「重生」；後驹準得太紧要，必然之选。「伽罗」如遇慢步速，唔易做妥留放。「精奇」一日未断缆，仍然要尊重近绩。

　　

　　「齐欢笑」及「超皇鹰」，曾在快时间输畀「牛精大师」，水準在今场够用，而两驹当时拍住返嚟，若结合是赛档位及跑法，前驹略安全。

　　「魔幻大师」前置型跑法，在今场未必会好，事关太多对手会採取主动。「多采多姿」回够气及评分回落，刚赛已有番走势，何况，回到此程更好跑。「摩法神采」担心进度重回正常轨道未？！「如願以偿」啱啱赢在跑法，但今赛已经冇咁好条件，唔敢再拣。

　　

　　「电光能源」高分泥王，等呢类赛程，差唔多一年一度咁滞，必会好好把握，当然，要计7岁能力渐退，133磅唔知仲让唔让得起。

　　「大把在手」前领型，用小将减10磅有好冇坏，由於太忠心，必拖。「阳明深心」近3仗之中，除了前仗「外遊」，其实另外两场俱有吸引走势，希望转场唔会有害。「飞闯」与「红旗勇将」，一对摩廐马，1隻缺点係外档、另1匹冇场地根据。

　　

　　「育成王子」叻在第二捷时有本事克服唔好际遇，进度已起飞，唔担心跑高半班会唔够挥。

　　「太奇妙」及「你知我赢」，曾经喺此程分获叁、四名，以跑法而言，前驹主动略有利。「好唛」初出本来可以跑出更好成绩，但直路头稍为受困之後，令骑者发挥不够放胆，不过，显出插叁班冇压力。「齐哈哈」屡次後上有势，改战田草看看可否维持到？！

马会赛马节目主持 洪礼贤