一团威叁甲稳阵

猪拉多纳

　　第六场叁班1650米。「一团威」由季初至上赛，总共跑了8场，经常喺末段追得好，田草1400米或谷草一哩都试过，甚至乎前仗二班田草同样喺外叠冚到上嚟（内栏堕马或是原因之一），並唔係久唔久一场半场。

　　至於上赛回到叁班此程，仲唔使负重，点解唔能够喼到成绩？！主因有两：其一，出闸後不久，喺外档楔唔到埋便，焗住愈拖愈後；其二，出弯後潘顿唔选择顺势抄出去衝，反而尝试在中内档博位，结果遇上塞车、窒步、由内移外转跑线等等，根本冇乜真正骑过便到终点。今仗2档起步，按理早段比较自主，想跟前、中置或攞栏都好，唔会似得上赛咁困难，若果做啱留放，喺今场要争叁甲，够晒资格。

　　第七场叁班1800米。「可爱人生」上赛赢得依然易，前中段係喺内栏悭位，但转正直路喺中档衝咗冇耐，就飘甩对手，时间慢却有气势。如果维持得到演出水平，至少有叁甲。

马会赛马节目主持 洪礼贤