半数合作马打入前四 高莱配高一线

猪拉多纳

　　数现役骑练组合，蔡约翰与韦达简直係perfect match，蜜月期持续咗好多年，到咗2012年依然咁「恩爱」，头马继续一场接一场，十幾蚊又杀、二、叁十蚊W又杀。不过，嚟到今季开始减少合作，为乜？

　　咪误会二人嘈交或其他负面因素，由於佢哋合作次数，已经超出马房出马半数有多，目前再唔「勒住」，去到季尾仲边使合作！

　　至於另一对老友鬼鬼组合，必然数到杜利莱和高伯新，二人今季在快活谷，一共合作30次，总成绩为6冠5亚3季1殿15负，刚好有半数合作马可跑入前四名，成绩好稳定。呢期合作两驹，都係刚刚赢完之马，「高一线」及「万醒驹」，既然骑练成绩那麽好，该两匹合作马应予重视。

　　同时，由於两驹俱属大热门身份，查季内二人谷草大热门合作马共4驹，取得一赢叁位，显然被热捧之马，唔会冇货交！

　　讲到实力，「高一线」初跑谷草一哩即胜，慢步速一样衝赢对手，姿态完全唔似叁班马，升二班点会怕；「万醒驹」係愈来愈进步年青好马，加程应该仲好，又有1档帮手，註定受惠形势。

Jack