履皇朝落班有飞

猪拉多纳

　　讲到今晚八场赛事飞数，有四场由今季搏极都唔赢嘅马担飞，真係小心爆大冷。

　　怪飞马拣咗第二场「履皇朝」，虽然呢匹马落班有飞，听落好似合情合理，但唔好唔记得，佢今次係第一次跑一哩，咁大个仔未跑过咁长路程，会唔会脚软都未知，飞数照计唔应该咁硬净先啱，而且呢匹马由落地到依家，跑咗十一次，冇铺少过10倍，上次喺闸前仲讲紧57倍W，今次隔晚一度得5倍，佢嘅支持者何只热情，直头爱佢爱到发晒狂。

　　话说佢同「军事出击」同爸爸，後驹在港初出喺二班谷草1650米即胜，「履皇朝」落到五班即增程，随时真係赢出个皇朝。

　　杜利莱骑师王赔率热

　　骑师王方面，韦达赢咗五期，边个敢同佢鬥？但佢今次2.65倍，唔多算硬净，咁多个骑师之中，就只有杜利莱热得起，得6.5倍，一於拣佢。

周仲