万醒驹名马翡翠明星威威具星

猪拉多纳

　　最近幾期谷草C栏赛事，跑法尚算平均，冇话後追「瓜多」，但档位好，依然係着数。

　　今期赛事韦达与蔡廐减少合作，前者实力坐骑明显不多，反之，杜利莱及杨明纶俱有唔错兵力。

　　「高一线」刚仗已贴行头，已指出转场早有预备，唔係企图博博吓，当然，赢得比预期轻鬆得多（造出全晚最快拉士）估计今场形势仍会近似，直路鬥爆一段，喺二班依然唔怕。

　　「劲高手」渐渐走出低谷，因上赛末段内斜打困笼後，拉番出嚟衝个势唔差，铁马係时间反击。「鹏力洋洋」评分恰可而已，唔係有利，跑啱可争脚。「君河」经常试闸好但出赛冇，终於在上赛稍有走势，但未證明太多，除非今场慢步速喺内栏赚晒。「四季」情况与前驹差唔多

　　「金堡龙华」如转人肯叠埋心水留留埋埋，喺直路至用，未必冇转机。「幸福红椒」转仓唔够一个月，未知有幾大变化，但如前中段留得顺，以其级数及路程性能，唔批得死。

　　「火燎腚」分数仍未到顶，希望顶埋今场。「太极至尊」係担心慢闸，至於早前赢谷闸，时间慢但姿态轻易。

　　「金湶」够快，3档如肯抢，短直路未必放唔到。「常山凤宝」纯粹降班关係才吼，因季内长期冇「方」。「胜在分秒」与「胜利大将」，速度係有，问题係相继排中外档，不易切入，未必蚀得起。 　

　　「履皇朝」讲了无数咁多次，等落班，等加程，终於今场有此安排，均速马藉着2档，如採守好位跑法，步步槛，已经够争。

　　「兄弟齐心」唔係赚泥地利前置形势，至喺上赛有P，因当日多数後上马跑得好，此外，佢自己头叁段都放快咗。希望转到谷草凭内档悭悭埋埋，继续有成绩。

　　「康乐名驹」及「龙腾宝驹」，经常喺班内输得接近，如赛事环境稍为配合，便有资格入围。「马皇帝」近仗已稳定落嚟，尝试转谷草试试，或有理想效果。「金满贯」前置跑法、轻磅及1档，基本条件其实已不错。

　　「化工之昇」连续两场跑中长途，为博减分及「洗」赛绩，输成点、名次有幾後，根本唔使理，呢次落班跑啱路程，仲重戴有用眼罩，目标所在。

　　「田园名驹」9档早段未必搵到遮挡，如像上赛被迫摆前，又蚀唔蚀得起？其实难料，过热宜作配。「真诚真意」遇到拖慢形势，兼喺直路遇到塞车，仲有本事撬位撲上嚟跑P，睇嚟上赛加罩帮到好多！「超晒班」连场以慢放攞着数，另一方面，唔排除状态返紧嚟，呢场1档点都要兼顾。「飞快威」回一回，如补回体力，以之前入围水準，唔会冇条件上名。 　

　　「白鹿劲」未转仓前，已改善到阵上难留问题，接手後唔係唔操得，出赛频率又冇问题，即係脚冇事，本属叁班有得跑之马，四班略超，係担心12档令早段过於落後。「明旺」马重升番係好事，寄望会顶埋今场。

　　「轻越直前」休战一段时间、备战妥善並加配备，有晒出击手影。「伟龙」唔放又或是放唔到，拖低竞争力。「魅力心」之前退出工夫冇停，而上赛赢得「金得意」，加多4磅冇有怕，唯一怕係末段追唔切。  　　

　　「一团威」唔係自己攞嚟塞，上赛落班此程名次唔会咁後，「教训」完再报此程但冇换人，潘顿应会执正跑法，加上好档关係，仲可转用中置跑法，威力比鬥一段更理想。

　　「红日」已贴两场，既跑得好，博顶埋今场。「盖世子牙」刚仗守好位之下，末段追势不如想像般强，希望回到80分上限区域有唔同。「至尊飞星」及「香槟岁月」，同样会受惠赛事环境。「明兴宝宝」恐怕早段泊唔到好位的话，外叠蚀唔起。「精彩遊戏」近绩水準未足以在叁班赢，不过，一下子减十幾磅，或可争P。

　　「可爱人生」去季赛绩频频打叠都得，而对上两场连胜同样易，按理加分未到顶，仍然有得争。「喜威宝」纯粹係前仗伤愈复出跑得好，先至喺上赛会拣，脚患马好开唔会左等右等。

　　「驾翠」首次跑此程以靓时间赢马（季内第四快），加7磅应未至於走晒样。「喜跑得」及「南阳望族」，前驹要博转马房後即刻改造成功，後驹长力冇乜證明，纳於边线。「安稳」鬥烧，令到上赛大败，刚败赛绩唔使理，假假哋季内1800米两W，长力有晒支持。

　　「万醒驹」刚胜容易属意料中事，虽升班转了另一批对手，有好档並加程，可抵消一定压力。

　　「名马」进步不多，係贪3档有权赚到尾。「威威具星」赶工夫嚟跑，虽然走规未好，级数应该有。

　　「翡翠明星」110磅及2档好使好用，唔够班亦可能上到名。「时时攞彩」如利放才会有叁甲。

马会赛马节目主持 洪礼贤