忽然转势 拗颈咪制

猪拉多纳

　　如果根据往绩，以作赛前评估，刚周中谷草C栏应利於内档马，偏偏当晚好多外档马，以及末段喺出便冚嘅，走晒入嚟。笔者唔係事後孔明，正当头场「胜在分秒」可取外档後上有Q，一匹唔係有咩後劲嘅马都掂，已经係好好指标！自己便意识到呢晚C栏有可能「转型」，再到「超力驹」又係喺开便杀上嚟，更加係画公仔画出五脏六腑，故此，喺直播时段亦一再讲出呢个实况。

　　外档马唔蚀底

　　当然，往後场次一样有「君河」、「一团威」、「万醒驹」等，喺内档悭位楔到入叁甲，但既然外档唔蚀底的话，对於投X策略上会有一定程度帮助，起码拣马範围不用太过缩窄，或对好些外档马（或後上型）仍可纳入考虑之列。

　　此外，周中8场谷草头马，又有5匹係季内首捷，早前已说过季中打後，将陆陆续续掀起此浪，唔係鼓吹逢係季内赢过就摆埋一边唔理，不过，想交代嗰批，往往心态上係零舍肉紧。

　　嚟到周日10场田草赛事，级际赛有两项，主菜自然係打吡大赛，有冇得爆？如果睇过千禧年以来赛果（该年改跑2000米至今），大热门幾乎例有Q（12届获7冠4亚），入Q率高到吓死人！暂时未知咩马会係大热门，应该不离「甜橙」、「多名利」，无论係边一隻，也是今届争打吡主角吧。

马会赛马节目主持 洪礼贤