何良中三元最叻

猪拉多纳

何良嘅愛徒蘇狄雄近排手風好順，啱啱上個禮拜三先幫師傅贏咗「陽光普照」，捧走印度遊樂會盃。到咗尋日此對師徒組合又嚟發威，開場就靠隻「叻先生」食頭胡，到尾場勝出「先鞭直前」，幫狄仔贏到佢季內第21W，兼係佢出道以來嘅第69W，仲差一場就畢業做大師傅。至於何良更贏埋第五場「超光越影」，連中三元，威風八面。
       
先鞭直前表現梅花間竹。

講開呢隻「叻先生」，最近四鋪非冠即亞，尋日再跑田草千二米就採取帶頭戰略，結果輕勝大熱門「豐彩人生」，兼且幫師傅何良誅叛將。
       
叻先生連續六場上名，演出準繩。

良哥話賽前對「叻先生」好有信心，最大對手係佢嘅舊部「豐彩人生」，但佢覺得後駒係千四馬，贏佢都唔算出奇。良哥覺得「叻先生」大熟大勇，上四班都仲有添食機會，途程就以一千、千二最啱。