新胜打吡 旺气逼人 韦达泥战破蛋

猪拉多纳

　　韦达捧完打，见佢过终点後，以及落马时候激盪心情，深深感觉到那分胜利喜悦，並唔係单单因为一场高奖金赛事，好大程度係满足感凌驾於金钱，身为11届冠军骑师，赢过好多好多场头马，但级际赛或G1，真係数得出有幾多项，如果冇「好利威」、「极品丝绸」、「雄心威龙」、「阳明飞飞」等驹，佢依家在G1赛事仲可能捧紧蛋。

　　不过，韦达连打大赛都可以「叁年抱两」，命水好番晒，唔排除连带其他困局亦衝破得到。其他唔使讲，净係以泥地赛成绩讲，今季佢跑26场，堂堂冠军骑师，未尝一胜（9场位置），大热门输完一匹接一匹，捧蛋之馀仲成日累街坊，唔係？！

　　今期会唔会又冻过水？话晒有7匹坐骑，未至於场场热门，赔率却唔软弱，隔夜全数介乎6至9倍W，如果一匹都赢唔到，话对赛果冇影响就假！把心一横咩！但又唔敢飞起晒当今晚韦达「缺席」，所以，点拣、点删，真係考起晒一班马友。睇近绩未必有用，但胜过博一批连根据都冇得实际，个人会拣刚入Q「万人迷」、连场泥地入到前幾名「财运」和频频上名「飞跃之驹」，叁隻中一隻的话，至少赚到个玩字。        

Jack