真慷慨缩程恶

猪拉多纳

　　第九场一班1400米。「何方神圣」转方廐首战跑到冇P，唔认为係骑练关係，隻马本身有问题至係关键。可能耐冇跑係其中原因，令到此马沿路留得唔顺（入直路前一路抢口），而衝到最後200米以为个势赢得之际，忽然略减劲度並外闪，之後只维持速度而已。

　　有过一场重新开气，希望落场跑隻马唔会又咁「促」，此外，缩程兼遇到一场步速或快场合，赛事环境应该适合发挥；坚持此马有级数及具转仓概念，上场买过的话，冇理由唔跟多场。

　　第十场三班1600米。「真慷慨」之前以慢时间及悭位在此程攞两W，所以，上赛升班兼加程，对其评级降低，但佢有本事喺步速慢、沿途冇赚脚程、骑师发挥未够好之下，差点追到有P，唔见得完全因为轻磅关係，好大程度係愈赢愈有格。今赛缩回赢马路程，理应比长途更具竞争力，只要唔係搏攰咗，或发挥又有误，唔係冇赢面。

马会赛马节目主持 洪礼贤