山顶质高三连捷

猪拉多纳

　　今日有唔少明星马上阵，推介第八场蔡廐马「山顶」，三岁马上场孭133磅兼排14档，仍然赢到对手冇得跑，质素真係高一截，今次升上三班作赛，唔会有任何阻力，排埋一档起步，三连捷在望。

　　另外锺意第三场「乐驰」，上场初出响田草1200米跑第五，输畀头马唔够两个马位，反映质素唔曳，热身後今次再跑同程，应该有更强威力，续配苏狄雄有望打开胜门。

　　张敬山

　　无敌骏驹转仓即搏

　　刚啱全泥夜赛，告东尼一样交到货，凭「帝豪骏驹」同「开心指数」起孖，今日一於再吼实呢个仓。

　　推介头场「无敌骏驹」，近期频频上名，但硬係赢唔到，於是转咗去告东尼马房，今次转仓初出一定鍊尽，捧得过。

　　另外，第九场东廐出三驹，睇嚟志不在小，最睇好「魔幻大师」，上仗放唔出未能交出最佳水準，输咗唔使介怀，今场如能好好咁操控步速，应该赢得。

　　

　　任达华

　　安稳强配起筷

　　韦达刚战又封王，真係势不可挡，点可以唔捧佢啲马？

　　锺意第四场「安稳」，上场响谷草1800米跑第四，有复甦迹象，今次强配韦达转争2000米，我睇更啱佢发挥，有权取得季内第三W。

　　另外锺意尾场「精彩遊戏」，上场转跑谷草大败，赛後鞍上人郭立基要向小组解画，今次跑番赢马路程田草1600米，估计会有唔同演出，用番赢马拍档韦达操刀，係时候赢番一仗。

　　寇鸿萍、梁廷锵