財寶鷹長途振翅

猪拉多纳

已超過兩個月未贏馬的蘇保羅，今午出動「財寶鷹」角逐中大校友會聯會盃，此駒上賽面對「驌龍」不過輸少少，長途氣袋今勻加程再戰，必可振翅高飛。
  
財寶鷹（右）上賽僅以頸位之微不敵再出再贏的驌龍，肯定質超三班。





蘇保羅：從血統及陣上表現所見，「財寶鷹」屬典型長途馬，今趟雖然首次增程跑2000米，我對馬兒氣量仍充滿信心。此駒升上三班後雖未再贏過，但每仗均能跑得接近，剛戰幾乎擊敗有份出爭打吡的「驌龍」，可見質超此班。今次抽3檔起步，早段可跟守較有利位置而不用蝕位，加上同組對手不強，有望勝回一仗。
  
蘇保羅




姚本輝：「中環英雄」季初贏完狀態未見低落，惜近三仗欠運只以位置交代。今回師沙田兼增程，最大阻力來自133重磅，因此起用死磅較少的巫斯義操刀，借助鞍上人騎功替馬兒提升機會。
  



薛達志：雖然「好球」跑2000米或以上路程較有根據，但以目前評分及跑法機動性，廐侶「高友勁」今場更宜秤先。後駒在三班孭輕磅曾上名，今配蔡明紹只負115輕磅，三甲可佔一席。