盈骥喜逢弱旅

猪拉多纳

　　近期韦达及蔡约翰当旺，经常赢三两场视作等閒，呢股势头唔知持续到幾时。由於今期韦达仍然多恶马，要有头马落袋唔係难事。此外，潘顿静咗一阵，今晚亦有唔少实力坐骑，部分隔晚仲幾多飞数支持，所以，重视韦达之馀，都唔可以咪睇轻潘生。

　　第一场第五班1000米。「盈骥」马老了，阵上演出並不稳定，久不久先有表现，但有时又唔知会係边场，所以，唔可以咁实牙实齿评估得到，但今仗既然吸引到韦达，跑番最正宗谷草1000米，仲排到好档，条件算係幾好。而同场对手亦唔係好近绩，或者路程性能出色，希望喺海军鬥水兵场合，佢有能力进佔前三名。

　　更捷胜出头有望

　　第四场第四班1800米。「更捷胜」实力在四班唔会冇得赢，转仓初出差啲赢到，叮噹马头之下输畀「好运得福」，如果该场唔係气管有血，或者衝得赢亦唔奇。而上赛再跑梗颈四，惨在沿途四叠望空，与实力和进度无关。今仗9档起步，唔知潘顿点处理，不过，有过上场之教训，估计会有唔同演绎，只要留放做妥，有望出头。

　　第五场第三班1200米。「尊胜福星」上场在闸前个个哗哗声！票数之劲，令人咋舌，由十幾倍捧到5倍开跑，结果一放而返赢个幾身位。今仗再战此程，回配韦达，为公为私，骑者必然醒醒定定，如8档出闸後守到前列位置，有权再赢。

资深评马人 陈华栋