何廐王牌马唔简单

猪拉多纳

　　各个马房派赛驹上阵出埋王牌，係咪代表全日兵力重点之一？係嘅时候咪係，唔係嘅时候，根本冇任何参考性。

　　情况一如骑师拣坐骑嘅论点，练马师因乜事嗰期两驹用王牌，又係有啲外界唔清楚嘅成因。

　　马主E做出口贸易大生意，订单遍佈全球各地，喺美国嗰边，忽然有班大客公干来港，想到香港马场一遊。咁啱爱驹即将报名，马主E对所属练马师「单声」，想话入场兼带埋班客落亮相圈，感受吓商量战情时气氛，练马师做个顺水人情，为马主E爱驹打王牌报名，藉以争取正选地位。

　　上述情节可能係自己生安白造，但唔排除有类似情节可能性存在，如果真有其事，赛驹打王牌报名，未必与机会掛鈎。尚记得季初时分，胡森马房出亲王牌之马匹匹叮，历时三两个月，係咪代表廐主唔懂得善用王牌？当然冇可能，或者係巧合啫！正如开场白所讲，有参考性嘅时候咪有囉！

　　吼健康蓝莓电讯至尊

　　讲到呢个话题，近期何良马房王牌幾使得，在连续6期赛事（12匹王牌马），每期均有一匹成功跑入前两名（获3冠3亚），即係话入Q率高达50%，唔係冇手影可跟。而下周一赛事，此廐两匹王牌马为「健康蓝莓」及「电讯至尊」，又睇吓到时会唔会延续呢条摊路。



马会赛马节目主持 洪礼贤